Ein kènjerbouk dat in eesjte instantie besjtömp is veur kènjer van de leger gróppe van de basissjool. Natuurlik veurgelaeze door greutsje (groot) awwesj die ’t Zittesj hoog hawte. Van alle lèttesj oet ’t alfabet sjtaon weurd in ’t bouk en van mènnigein sjteit ouch nog ein teikening óm dit woord te verdudelikke. Ouch kómme de klanke aan bod die veer in ’t Zittesj kènne.
IEine gróp Zitterder besjtaonde oet Piet Deeder, John Hertogh, Phil Schaeken en Patrick Werdens höbbe zich gebaoge euver de weurd die in dit bouk zeen opgenómme en Jan Ruigt is bereid gevónje óm ’t bouk te illustreiere mit zien teikeninge. Ein dergelik bouk besjteit nog neit in Zitterd en veer vónje ’t tied waere óm dit te realiseiere. ’t Is ein sjitterend bouk gewore dat neit maag óntbraeke in eure boukekas.
Bie versjiene zal de verkouppries van dit bouk €17,50 bedrage. Veurinsjieve op dit bouk is ouch muigelik en waal veur de pries van €15,00 per bouk.
Es geer wilt veurinsjrieve sjik dan eine e-mail nao veldekezitterd@gmail.com mit in de ómsjrieveing: veurinsjrieving Zittesje abc. Sjrief in de mail eure naam en adres en ’t aantal buik dat geer wilt besjtèlle. Geer mót dan ouch ’t versjöldigde bedraag euvermake nao ós raekening: NL85RABO0187621454 t.n.v. Veldeke krènk Zitterd. Pas dan is de insjrieving definitief. Veurinsjrieve is muigelik pès 17 november e.k.
’t Bouk zal vanaaf zaoterdig 19 november in de winkel ligke en veurinsjrievers kènne vanaaf deze datum ’t bouk aafhaole bie Boukhanjel Krings oppe Brandjsjtraot in Zitterd.
Ein bezunjer kado veur de feesdaag!