Categorie: Veldeke Zitterd

EINE POES BLOUME, in ’t Zittesj. Eine verzamelbundel mit verhaole engedichter van John Hertogh. Mit prechtige teikeninge van Jan Ruigt.“Zuug ’t wie eine poes bloume, geplök in ’t veldj en wei, sommige gans frisjangere get versjlak… m.a.w. nuje en awwere sjtökskes.” Te koup bie Wim Krings veur € 12,50 Toch neit te duur veur ein sjtökskeZittesje Kultuur.

Ouch in 2024 sjteit Veldeke Zitterd weier op Sint Joep. Geer vèndj ós in 't Mariapark oppe Awwe Mert. Zeet geer op zuik nao ein leuk Zittesj kado óm te gaeve of veur uchzelf. Kömp ós dan opzuike. Veer höbbe versjeie zake bie ós wie ónger angere: Laesplenkskes, Greumelmetjes & 't bouk 'Zittesje ABC veur Kènjer'. Mer boete dit nog väöl en väöl meer. Van 14.00 oere pès 16.30 oere is John Hertogh op oze stand aanwezig óm zien nuut boek 'Eine Poes Bloume in 't Zittesj' te signeiere en evt. te veurzeen van ein perseunlikke boodsjap. Dit bouk is natuurlik ouch bie ós te koup.

D'r sjteit weier eine Sjtoumcursus Zittesj op de planning. Deze zal gegaeve waere in de baovekamer van Schtad Zitterd oppe Mert. Op ein leeg-drempelige meneier gaeve veer oetlèk euver de sjpelling van 't Zittesj en wie weurd in 't Zittesj gesjreve mótte waere. Deilname is ummer gratis mer waal gaer vanteveure aanmelje. :

Richtig Zittesj Pries (names Veldeke Zitterd) 2024 is toegekėnd aan Math van Hooren Kènt geer noch de oetsjpraoke van Vic van Neer ? Sjaele wikser, puddingnaas, lekker mösj, verkeskop Names Veldeke van harte gefillisiteierd.

De vastelaovend sjteit veur de deur en veer wille uch gaer deze Zittesje Vastelaoves ABC aanbeie. Laes 'm en kal d'r euver. En veur alle luuj die dees daag vastelaovend gaon viere, veer wunsje uch eine Zelige Vastelaovend! En ouch mit de vastelaovesdaag: Sjpraek Zittesj, Sjrief Zittesj, Dènk Zittesj Zittesje Vastelaoves ABC A - Appelsien B - Buut C - Confetti D - Dansmarieke E - Èlf F - Fees G - Gekostumeierd H - Hering I - Insjtalleiere J - Jeugdprins K - Kènjeroptoch L - Leidje M - Maske N - Nónnevot O - Optoch P - Pappegey Q - Quatsj R - Raod van Èlf S - Sjminke T - Träöt U - Uniform V - Verkleid W - Wageboewer X - x11 Y - Doon v'r…

't 'Zittesj ABC veur kènjer', dat veer veurig jaor oetgegaeve höbbe en oetverkoch waar, is weier besjikbaar. Door de grote vraog hie haet höbbe veer besjlaote tot eine herdrök. Dit bouk is in eesjte instantie besjtömp is veur kènjer van de leger gróppe van de basissjool die natuurlik veurgelaeze zulle waere door greutsje (groot) awwesj die ’t Zittesj hoog hawte. Van alle lèttesj oet ’t alfabet sjtaon weurd in ’t bouk en van mènnigein sjteit ouch nog ein teikening óm dit woord te verdudelikke. Ouch kómme de klanke aan bod die veer in ’t Zittesj kènne. 't Zittesj ABC veur kènjer Eine gróp Zitterder besjtaonde oet Piet Deeder, John Hertogh, Phil Schaeken en Patrick Werdens höbbe zich gebaoge euver de weurd die in dit bouk zeen opgenómme en Jan Ruigt…