Jeder daag sjteit d’r ein Zittesj woord of gezèkde, mit biebeheurende oetlèk, vermeldj. Hienaeve sjtaon alle daag en maonje in ’t Zittesj opgenómme.
’t Laeze van de Sjeurkalender zal bie mènnigein leie tot ein hernuujde kènnismaking mit weurd en oetdrökkinge. De doelsjtèlling van Veldeke Zitterd, ’t insjtandjhawte en bevordere van ’t dialek, wurt op dees meneier op ein alledaagse meneier oetgedrage. De begeleijende teikeninge in de kalender zeen van de handj van Jan Ruigt.
De verkouppries van de Veldeke Zitterd Sjeurkalender 2026 zal bie verschiening €19,95 bedrage. Pès 20 augustus e.k. is ’t ouch muigelik óm ein exemplaar van deze sjeurkalender mit korting te reserveiere veur de pries van €17,50.
Sjik eine e-mail nao veldekezitterd@gmail.com mit in de ómsjrieving Sjeurkalender 2026. Vermeldj eure naam, adres en ’t aantal te besjtèlle kalendesj. Hienaeve mót ’t versjöldigde bedraag euvergemaak waere nao NL85RABO0187621454 t.n.v. Veldeke krènk Zitterd. Geer óntvangk wiejer gein bevestiging van ós van eur besjtèlling.
Veurinsjievesj kènne vanaaf zaoterdig 23 augustus e.k. hun besjtèlling aafhaole bie Boukhanjel Krings oppe Brandjsjtraot in Zitterd. Vanaaf deze datum start ouch de reguleiere verkoup.