Zelige Krismes en Gelökzelig 2021

 

Krisgedachte,

In dees dónkere krismes daag, en dat is besjlis ein feit.

De femieje bezuike, aete en drènke, mer ouch daen gruwel van einzaamheid.

Es euveral de kaerskes brenne, de pekskes ónger de krisboum sjtaon.

Zeen d’r väöl die einzaam zeen, en al vruig nao bèd zeen gegaon.

Veer viere dees daag Krismes, en Jezus koum veur jederein.

 Op dees welt zeen noch heel get luuj, verlaote, krank of mooderzeel allein.

Es veer dan van de èngelkes zènge, en de herders nao Bethlehem gaon.

Dan zuike de einzame in het duuster, of d’r nog waal èngelkes besjtaon.

Haet God ós neit geroupe, óm ein leich in de duusternis te zeen.

Óm zien boodsjap oet te sjtraole, en ein leich gaevende sjter te zeen.

Sjènk einzame èns ein bietje aandach, laot zeen dat Christus wirkelik laef.

Dan vuile dees luuj zeker mit dees krisdaag, ein bietje van Gods leifde, dus gaef.

Bep Verblakt


Geef een reactie

Het e-mailadres wordt niet gepubliceerd. Vereiste velden zijn gemarkeerd met *