Verhäölkes in ‘t Zittesj

In de waek van 16 december zal de herdrök versjiene van ‘t verhäölkesbuikske mit 25 korte en get langer verhäölkes veur jóng kènjer versjiene. Ouch dees zeen weier te koup bie Krings, Flow’s Boekensteun en de Bruna. De eesjte drök waar ein groot succes en waar zelfs bènne eine daag oetverkoch. Door gans Limburg zeen d’r 8 versjillende buikskes versjene; ein mit de tekste van de oorsjprónkelike 25 sjrievers en wiejer 7 mit vertalinge in ’t Echs, Remunjs, Valkebergs, Venraojs, Weerts, Zittesj en Zösters. ’t Bouk is ein project van de Veldeke kemisse Volkscultuur.

In eine tied dat veer kènne laeze dat ’t Limburgs ummer meer ónger drök kump te sjtaon is ’t goud óm de kènjer in hun modesjtaal veur te laeze. En mesjiens kènne ze tekste waal zelf laeze.

De Zittesje vertalinge zeen verzörg door John Hertogh, Phil Schaeken en door lede van de sjtichting Willy Dols en zal te koup zeen bie Flow’s Boekensteun oppe Sjteivig, bie boukhanjel Krings oppe Brandjsjtraot en bie de Bruna in de Gruzesjtraot. De verkouppries zal 10 euro bedrage.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *