Gaer wille veer uch handjvate gaeve veur de sjpelling van ’t Zittesj:
Sjriefwies van ’t Zittesj (’n sjpiekbreifke)
- de è (sjtraepke nao lènks) dit teike kump veur in weurd es: bèd (bed) nèt (net) vèt (vet) oplètte (opletten)
- de ö dit teike kump veur in weurd es: völle (vullen) pöt (put) mösj (mus) mögke (muggen)
- de ó (sjtraepke nao rechs) dit teike kump veur in weurd es: lóch (lucht) mótte (moeten) jónk (jong) póndj (pond)
- de ae dit teike kump veur in weurd es: gaer (graag) vaer (veer) paerd (paard) kaetel (ketel)
- de ao dit teike kump veur in weurd es: kraom (kraam) paol (paal) laote (laten) maon (maan) in ’t Zittesj geef ’t gein klank oa !
- de äö dit teike kump veur in weurd es: sjträötje (straatje) päölke(paaltje) väöl (veel) häör (haar)
- de combinatie- gk- en –k-
- rök – rögke / mök – mögke / zèk – zègke
- waage of wage?
- moder, vader; wages; grote; erepries.
- höbste – höbs te – höb ste – höbs-te? De vorm höbs te is de richtige, persoonsvorm + óngerwerp . Ouch in ’t Holles neit aanein gesjreve. Gein sjtraepke. Waal heurste dèkser se i.p.v. te. Dus: löps te /löps se; wanjels te /wanjels se; sjrifs te/sjrifs se.
- ei of ij? Normaal sjrif me ei. Me sjrif allein ij es die ouch in ’t Holles veur kump, wie in tonijn (naeve tonien).Veur de res sjrif me ei: veier, veil, knei, deif.
- ou of au? Normaal is ou. Me sjrif allein au es ’t woord in ’t Holles en ’t Zittesj ‘t zelfde klink en mit ’n au gesjreve wurt. Veur de res gebroeke veer ‘n ou: bloum, roupe, gounsdig, vout, ouch.
- lestig: let op ’t sjtraepke! waat-s te (ouch: waat-s se) ~ waat geer wie-s doe/te (ouch: wie-s se) ~ wie-t geer die-s doe/te ( ouch: die-s se) ~ die-t geer dat-s doe/te (ouch: dat-s se; das se) ~ dat geer
- de klank “korte a + w” De sjriefwies veur dees combinatie is aw, en neit auw of ow. Veurbeelde: kaw(d); aw(d), gaw.
- de j: – de aafsjloetende j wurt neit gebroek bie weurd mit op ie, ei of ij op ’t ènj. Veurbeeld: hie, zie, blie, Marie. – de j wurt waal nao uu gesjreve. Veurbeeld: Truuj, luuj, revuuj (ouch: revue).
- d’r of t’r? Zou d’r kómme?; mót d’r mitgaon; wit d’r waal… en neit: mót t’r; wit t’r.
- leenweurd es ingenieur, computer, poëzie. ingenieur, repertoire, soirée, computer, poëzie en neit vorme es inzenjeur, rippertwaar, s/zwaree, compjoeter, powezie.
- receptie of resepse? In ‘t algemein sjprik me van receptie, inspiratie, insjtallatie.