In 2010 is ’t Woordebouk Nederlands-Zittesj oetgegaeve.
’t Eesjte eksemplaar is bie boukhanjel Deeder oetgereik aan burgemeister Cox door de samesjtèller van ’t woordebouk, oze secretaris Patrick Werdens. De oetgaaf waar ein doorsjlaond succes en bènne de kortste tieje waar ’t woordebouk oetverkoch.
Eine herdrök is euverwaoge mer waar väöl te kosbaar. Óm jederein toch in ’t gelaeg te sjtèlle óm de weurd op te zuike wurt euverwaoge óm ’t woordebouk op internet te publiceiere. Bènnekort heurt geer hie meer euver.
