Ich höb ’t maske opgezat
of zat ich ’t sjus aaf?
Noe sjprèng ich door de ganse sjtad
en roup ‘alaaf, alaaf!’
Ich tref de luuj maar kèn ze neit
ze sjnappe mich zomaar vas
Vandaag kènne veer gein verdreit
v’r make same sjpas!
’t Maske op, ’t maske lach
haet sjiet aan aelenjs wèlt
Drie daag pes dat róndj middernach
’t lètste pilske is besjtèld
Draag dien maske, laot ’t zènge
denk neit aan dien leid
Ein paar daag mougs te zelig sjprènge
veurdat ’t laeve wiejer geit!
© Lizette Colaris 11022023
