Groot Zittesj Dictee

Groot Zittesj Dictee

Op 21 november e.k. organiseiere veer ’t Groot Zittesj Dictee.
Dit dictee is gesjreve door oze eige Swentibolddichter, John Hertogh. Wo ’t dictee euver geit dat is nog ónbekènd mer John kènnende geit hae mit uch aan de zjwier door ’t Zittesj

Veuraafgaonde aan ’t dictee zal de grammatica van ’t Zittesj dialec kort behanjeld te waere wonao de kènnis van ’t Zittesj dialec d.m.v. ’t Groot Zittesj Dictee op de prouf gesjtèld wurt.
Nao de korte pauze zal ’t dictee mit uch doorgenómme waere. Jederein beoordeilt zien of häör eige dictee en ’t sjteit de deilnummesj vrie óm hun score kènbaar te make. De deilnummer mit de wenigste foute zal ès wènnaar van ’t dictee oetgeroupe waere en mit ein sjoon aandènke nao hoes gaon.

’t Dictee vindj dónderdig 21 november e.k. plaatsj bie de Vief Heringe, Meulewaeg 56 in Zitterd. Geer zeet wilkóm vanaaf 19.30 oere, ’t dictee sjtart óm 20.00 oere.

Wilt geer verzekerd zeen van ein plaatsj dan kènt geer eur deilname bevestige veur 17 november e.k. via veldekezitterd@gmail.com
Deilname zónger veuropgaaf is ouch muigelik, geer höb dan waal gein gegarandeierde plaatsj.