Categorie: Veldeke Zitterd

Jeder daag sjteit d'r ein Zittesj woord of gezèkde, mit biebeheurende oetlèk, vermeldj. Hienaeve sjtaon alle daag en maonje in 't Zittesj opgenómme. 't Laeze van de Sjeurkalender zal bie mènnigein leie tot ein hernuujde kènnismaking mit weurd en oetdrökkinge. De doelsjtèlling van Veldeke Zitterd, 't insjtandjhawte en bevordere van 't dialek, wurt op dees meneier op ein alledaagse meneier oetgedrage. De begeleijende teikeninge in de kalender zeen van de handj van Jan Ruigt. De verkouppries van de Veldeke Zitterd Sjeurkalender 2026 kos €19,95 en is verkriegbaar bie boukhanjel Krings oppe Brandjstraot, Visit Zuid Limburg in de Rolmeulesjtraot en bie Speels oppe Pötsjtraot. Moch de Sjeurkalender neit meer op veurraod zeen bie de baovevermeldje winkels dan kènt geer deze waal dao reserveiere. De sjeurkalender wurt biegedrök. Veurinsjievesj kènne vanaaf zaoterdig…

Veldeke Zitterd ruip de politikke partieje in de gemeinteraod van Zitterd-Gelaen op óm de lokale dialekte en anger Limburgse dialekte ein plaatsj te gaeve in hun verkeizingsprogramma's. In eine aope breif sjrif Veldeke Zitterd dat 't dialekt neit allein cultureel erfgoud is, mer ouch ein sociaal bènjmiddel. De gemeinte Zitterd-Gelaen haet ein rieke historie, ein eige karakter en ein eige dialekt. Toch heur en zuus te 't lokale dialekt nog neit genóg in 't dageliks laeve of bie de gemeinte. Dat kènt baeter, volgens Veldeke Krènk Zitterd.

Laes oos nuje oetgaaf: DWIGB Veldeke Zitterd 40 jaor.

Greutsj laote veer weite dat de "Greutsj op Zitterder kemissie" ó.l.v. Lizette & Maurice de door ós ingesjtèlde Richtig Zittesj Pries 2025 haet gewónne in de Grote Optoch. Mit hun sjpel en titel: "Zitterd is greutsj op zien Zitterder, zo sjteit 't gesjreve oppe Sjteivig" höbbe zie beweze eine terechte wènnaar te zeen. Veer filleseteiere de kemissie van harte mit hunne pries!!

Veer wunsje uch eine Zelige Krismes en ein Gelökzelig Nuujjaor.