Auteur: admin

Eine herdrök van 't kènjerbouk dat veer veurig jaor oetgegaeve höbbe lik bie de drökker. Dit bouk is in eesjte instantie besjtömp is veur kènjer van de leger gróppe van de basissjool die natuurlik veurgelaeze zulle waere door greutsje (groot) awwesj die ’t Zittesj hoog hawte. Van alle lèttesj oet ’t alfabet sjtaon weurd in ’t bouk en van mènnigein sjteit ouch nog ein teikening óm dit woord te verdudelikke. Ouch kómme de klanke aan bod die veer in ’t Zittesj kènne. De herdök zal in november weier te kriege zeen bie boukhanjel Krings oppe Brandjsjtraot. 't Zittesj ABC veur kènjer Eine gróp Zitterder besjtaonde oet Piet Deeder, John Hertogh, Phil Schaeken en Patrick Werdens höbbe zich gebaoge euver de weurd die in dit bouk zeen opgenómme en Jan Ruigt…

In eine óngedwónge sfeer ein dictee make. ’t Geit hiebie neit óm zo wenig muigelik faeldesj te make mer óm te kieke wo dat geer sjtaot mit sjrieve van ’t Zittesj. Geer zeet ouch neit verplich óm ’t aantal foute kènbaar te make mer daegein dae dit waal wilt doon en de wenigste foute haet is de wènnaar van d’n aovend. Sjriever van ’t dictee is ós allerbekènde Lizette Colaris. Deilname is gratis mer waal gaer vanteveure aanmelje. Dit kènt uterlik tot 10 november e.k. via: veldekezitterd@gmail.com ; mer bedènk waal vol=vol

Op ein leeg-drempelige meneier gaeve veer oetlèk euver de sjpelling van 't Zittesj en wie weurd in 't Zittesj gesjreve mótte waere. Deilname is gratis mer waal gaer vanteveure aanmelje. Dit kènt uterlik tot 29 oktober e.k. via: veldekezitterd@gmail.com ; mer bedènk waal vol=vol Geer zeet toch zeker dao op: 2 november e.k. bie Schtad Zitterd